طـلــب لأبو نـواف

السلام عليكم جميعاً

أنا الحقيقة عندي أبيات بسيطة وأتمنى من المشرف المبدع أبو نواف أنه يشيلها. من غير قصور في الباقين لكن سمعت لأبو نواف أكثر من شيله وأعجبتني خصوصاً يا هل السامري. ومناسبة هالأبيات هو أنه أحد خالاتي مرضت فحبيت أوسع خاطرها ببعض الأبيات

لا باس ياللي تشكي العل لاباس=عله قصير الحل وعجل(ن) يخليك
ياليتني قراي واقرا على الناس=أو ليت لي بالطب عرف(ن) واداويك
او ليت يذكر لي علاجك من الراس=والله لأسج الرجل يمه وأوافيك
ولو لي مع المنوه وفا حزة الياس=والله لاسيرها على صوب أمانيك
لكنني من حيلتي مفلس افلاس=مالي سوا يا كود بيت(ن) يسليك
والعين شوف العين ما يبري الباس=والكف مد الكف ماهوب يشفيك
فيالله انا طالبك ياخالق الناس=انك على المجمول تنزل عوافيك
وترهي علي الخير من كل الاجناس=ومن زينة الدنيا حبال الرجا فيك
وان كان حظه في ليالي ما انساس=فانك تحظظ له ليا جا ملبيك

يعطيك العافية يا أبو نواف مقدماً وللجميع

تقبلوا تحياتي
عبدالله السعدي
القويعية

المصدر: :: منتديات الراشدي ::